У лабавым сутыкненні ў Добрушскім раёне загінулі двое кіроўцаў
Трагедыя здарылася сёння а восьмай раніцы.
45-гадовая жанчына за рулём Nissan на дарозе М-10 выехала на паласу сустрэчнага руху, дзе сутыкнулася з аўтамабілем Opel, за рулём якога знаходзіўся 43-гадовы мужчына, паведамляе прэс-служба МУС.
У выніку аварыі абодва кіроўцы загінулі на месцы. 63-гадовая пасажырка Opel, якая атрымала розныя траўмы, дастаўлена ў бальніцу.