Прэзідэнт Абхазіі гатовы пакінуць пасаду
Прэзідэнт Абхазіі Аслан Бжанія прыйшоў на сустрэчу са сваімі прыхільнікамі ў школе вёскі Тамыш і заявіў, што гатовы прызначыць новыя выбары, калі апазіцыя пакіне ўрадавыя будынкі, паведамляюць расійскія СМІ.
Бжанія заявіў, што калі новыя прэзідэнцкія выбары будуць прызначаны, то ён вылучыць сваю кандыдатуру. Пасаду прэзідэнта непрызнанай рэспублікі ён займаў са студзеня 2020 года.
Бжанія пакінуў Сухумі ноччу і перабраўся ў сваю вёску. Абхазская апазіцыя сцвярджала, што ён збег на расійскую вайсковую базу.