Пры ўдары Ізраіля па Бейруце забіты прэс-сакратар Хезбалы
У выніку атакі Ізраіля на Бейрут загінуў кіраўнік аддзела па сувязях са СМІ ліванскай Хезбала Махамад Афіф, паведаміў Reuters са спасылкай на крыніцы.
Махамед Афіф падчас прэс-канферэнцыі, 11 лістапада 2024 года. Фота: AP Photo / Hussein Malla
Суразмоўца Reuters дадаў, што ракета патрапіла ў будынак, дзе размешчаны офісы партыі «Баас».
З канца верасня Ізраіль праводзіць аперацыю па знішчэнні інфраструктуры Хезбалы ў Ліване. 29 верасня ізраільскае войска заявіла аб забойстве кіраўніка руху Хасана Насралы,, які ўзначальваў Хезбаллу больш за 30 гадоў.
Махамад Афіф доўгі час быў дарадцам па сувязях са СМІ Хасана Насралы і выконваў функцыі прэс-сакратара руху.
Чытайце таксама:
Хезбала прызначыла новага лідара
У Ізраілі звольнілі міністра абароны, які лічыўся памяркоўным