У Польшчы прызначылі новага прадстаўніка па супрацоўніцтве з дэмакратычнымі сіламі Беларусі
Пасаду прадстаўніка МЗС Польшчы па супрацоўніцтве з дэмакратычнымі сіламі Беларусі заняў Адам Халаціньскі, які раней працаваў амбасадарам у Швецыі і прадстаўніком Польшчы ў АБСЕ. Пра сваё новае прызначэнне ён сам паведаміў сацсетках.
Фота: сацсетка X
«Ганаруся прызначэннем прадстаўніком міністра замежных спраў Польшчы па супрацоўніцтве з беларускімі дэмакратычнымі сіламі. Павага і ўдзячнасць майму папярэдніку Артуру Міхальскаму», — напісаў Адам Халаціньскі ў сацсетцы Х.
Ранейшы ўпаўнаважаны Артур Міхальскі нядаўна атрымаў новае дыпламатычнае прызначэнне ў Ірландыю.
Адам Халаціньскі ўжо ўзяў удзел у сустрэчы Групы сяброў дэмакратычнай Беларусі ў рамках Форуму грамадзянскай супольнасці краін «Усходняга партнёрства» Еўрасаюза ў Вене.
Чытайце таксама:
Амбасадар Міхальскі расказаў пра Макея, сустрэчу ў Ватыкане, ролю эміграцыі і мову як паветра
«Змена сурʼёзная». Былы амбасадар Польшчы ў Беларусі расказаў, што значыць ягоная новая пасада
У Польшчы прызначылі прадстаўніка па супрацоўніцтве з беларускімі дэмакратычнымі сіламі