У Стаўбцоўскім раёне пенсіянер загінуў пад коламі ўласнага матаблока
Трагедыя адбылася сёння каля 9:25 на 2-м км аўтадарогі Н-9827 «Стоўбцы — Задвор'е — Слабада» Стаўбцоўскага раёна.
74-гадовы мясцовы жыхар ехаў за рулём матаблока з прычэпам. Пасля, відаць, яму стала кепска і ён страціў кантроль над транспартным сродкам.
Выехаўшы за межы праезнай часткі, пенсіянер з'ехаў у кювет, пасля чаго выпаў з матаблока, а пасля на яго заднім правым колам наехаў прычэп.
Мужчына загінуў на месцы здарэння.