Са снежня для фур на беларуска-літоўскай мяжы ўвялі абавязковую рэгістрацыю
З 1 снежня запрацавала абавязковая папярэдняя рэгістрацыя ў электроннай чарзе ўсіх фур, якія выязджаюць з Літвы ў Беларусь і Расію.
Літва ўвяла гэту меру, каб скараціць жывыя чэргі на мяжы.
Грузавікі, якія выязджаюць з Літвы праз пункты пропуску «Мядзінінкай», «Шальчынінкай» і «Кібартай», павінны загадзя браніраваць выбраны час перасячэння мяжы ў інфармацыйнай сістэме EVIS. Калі фура праедзе ў пункт пропуску без папярэдняй рэгістрацыі, то зможа зарэгістравацца на бліжэйшы вольны час.