У расійскім палоне загінуў мэр украінскага горада. Ён фактычна памяняў сваё жыццё на жыцці рабочых
«2 гады і 8 месяцаў ён знаходзіўся ў палоне ў акупантаў і быў закатаваны», — напісаў у тэлеграме старшыня Запарожскай абласной ваеннай адміністрацыі Іван Фёдараў.
У расійскім палоне памёр мэр горада Днепраруднае Запарожскай вобласці Яўген Мацвееў, піша «Настоящее время».
Мацвеева тройчы абіралі кіраўніком Днепраруднага. На гэтай пасадзе ён сустрэў поўнамаштабнае ўварванне. У канцы лютага 2022 года расійскія вайскоўцы захапілі горад, а 13 сакавіка Мацвееву паведамілі па тэлефоне пра тое, што расійскія вайскоўцы затрымалі аўтобус з работнікамі Запарожскага жалезаруднага камбіната.
Кіраўнік Днепраруднага выехаў на месца, і ў выніку рабочых адпусцілі, а яго самога захапілі ў палон.
Далейшы лёс Мацвеева да апошняга часу быў невядомы. Ён знаходзіўся ў палоне два гады і восем месяцаў, яго цела вярнулі Украіне падчас апошняга абмену.
«2 гады і 8 месяцаў ён знаходзіўся ў палоне ў акупантаў і быў закатаваны», — напісаў у тэлеграме старшыня Запарожскай абласной ваеннай адміністрацыі Іван Фёдараў.