Самалёт Пуціна ў Мінск суправаджалі два знішчальнікі
Борт Пуціна Іл-96 — 300ПУ (RA-96025) здзейсніў пасадку ў Нацыянальным аэрапорце «Мінск» у 13:42.
Яго самалёт суправаджалі два знішчальнікі, піша motolkohelp.
Папярэдні раз Пуцін прылятаў у Беларусь 23 мая 2024 года, і тады правёў ноч разам з Лукашэнкам у рэзідэнцыі апошняга на Мінскім моры (там жа, дзе ў 2023 годзе той сустракаўся з Прыгожыным).
Сёння мэтай візіту заяўлены ўдзел у так званым Вышэйшым дзяржаўным савеце Саюзнай дзяржавы і асобная сустрэча з Лукашэнкам.