У велізарным бункеры брата Башара Асада знайшлі залаты Каран ВІДЭА

У сеціве з'явілася відэа з, як сцвярджаецца, бункера пад палацам Махіра Асада.

Збудаванне абсталявана для камфортнага жыцця. На відэа можна заўважыць гасціную, кухню, туалет, а таксама жалезныя дзверы сховішча, як у банку.

Аўтар відэа сцвярджае, што бачыў шмат золата і зброі. У кадр таксама трапляе Каран у залатым пераплёце.

Махір Асад быў адным з самых уплывовых людзей у Сірыі. Ён камандаваў элітнай бранятэнкавай дывізіяй. Дзе зараз знаходзіцца брат Башара Асада, невядома. 

У верасні 2024 года з'явіліся паведамленні пра гібель Махіра Асада ў выніку ізраільскага авіяўдару. Аднак гэтыя звесткі не былі пацверджаны.

Каментары да артыкула