У заходніх абласцях Украіны чакаюць больш паветраных трывог з-за вучэнняў у Беларусі
У найбліжэйшыя дні трывог з-за «пагрозы балістыкі» для заходніх і паўночных абласцей Украіны можа быць больш. Прычына таму — вучэнні на тэрыторыі Беларусі.
Украінцаў трывожыць тое, што на поўдні Беларусі ўвялі новую зону абмежавання палётаў у перыяд з 8 па 20 снежня 2024 года, і там з сённяшняга дня праходзяць вучэнні.
Мэр горада Роўна Аляксандр Траццяк заявіў, што ў выпадку запуску ракет з тэрыторыі Беларусі яны за лічаныя хвіліны могуць дасягнуць Ровенскай вобласці. Тая ж пагроза — і для суседняй Валынскай вобласці. Пры гэтым тэрмін вучэнняў ён у сваім паведамленні чамусьці працягнуў да 31 снежня.
Чытайце таксама:
На поўдні Беларусі з'явілася новая зона абмежавання палётаў
На ўкраінскай вайне загінуў адзін з апошніх прадстаўнікоў карэннага народу Расіі — керэкаў
Нарышкін заявіў, што Расія «блізкая да дасягнення мэт СВА ва Украіне», каб не адбылося «знясілення»