Дзяўчына падабрала забыты букет з ружаў, выкінула яго ў сметніцу і атрымала крыміналку
Дзіўная гісторыя адбылася ў адной з устаноў Мінска.
Скрыншот з відэа МУС
Дзяўчына з мужам адпачывала ў адной з устаноў Мінска. Яна звярнула ўвагу на велізарны букет з 63 руж, які хтосьці забыўся каля століка.
19-гадовая дзяўчына вырашыла забраць кветкі сабе. Нейкі час яна прагулялася з раскошным букетам па вуліцы, але потым вырашыла яго выкінуць: кветкі завялі. Муж купіў дзяўчыне новыя кветкі, і яны пайшлі дадому.
Але неўзабаве да іх у дзверы пастукала міліцыя. Аказваецца, уладальнік букета напісаў заяву аб знікненні кветак. Жыхар Брэста патлумачыў, што купіў букет для сваёй дзяўчыны, але выпадкова пакінуў яго ў кавярні.
Супраць дзяўчыны, якая забрала кветкі, завялі крымінальную справу аб крадзяжы.
Чытайце таксама:
У жонкі беларускага тэнісіста ў Пецярбургу сцягнулі залаты ланцужок
У Італіі за крадзеж з рэстаранаў затрымалі беларуса
У Германіі і Аўстрыі за крадзяжы з крамаў затрымалі беларусаў