Беларусаў, якія раней заплацілі за данаты, пачалі выклікаць у пракуратуру
Праваабаронцам стала вядома пра выпадкі, калі людзі, якіх раней прымусілі кампенсаваць свае данаты і нават выдалі ім паперы аб прыпыненні крымінальнай справы, пачалі атрымоўваць позвы ў пракуратуру.
Паведамляецца, што цяпер іх просяць падпісаць паперы з папярэджаннем перад выбарамі.
Вядома, што такія позвы па месцы прапіскі атрымоўваюць і тыя беларусы, хто раней плаціў дзяржаве за свае данаты, а цяпер жыве за мяжой.