Ціханоўская ўшанавала памяць удзельнікаў паўстання Кастуся Каліноўскага
Цырымонія ўшанавання паўстанцаў 1863 года на могілках Росы ў Вільні прайшла з удзелам прэзідэнта Літвы Гітанаса Наўседы, прэм'ера Літвы Гінтаўтаса Палуцкаса, Святланы Ціханоўскай, амбасадараў Польшчы і Украіны.
Усе фота: офіс Ціханоўскай
«Мы праз стагоддзі застаёмся ўдзячнымі Кастусю Каліноўскаму і ўсім паўстанцам за смеласць і самаахвярнасць. І мы ведаем, што нашыя нашчадкі будуць гэтак жа ўдзячныя ўсім беларусам, што працягваюць змагацца за агульную будучыню, свабоду і мір», — заявіла дэмакратычная лідарка.