Пасольства Італіі заўважыла, што за ягонай спінай займаюцца махлярствамі з візамі

На фэйсбук-старонцы італьянскага пасольства ў Мінску з'явілася паведамленне, з якога вынікае, што некаторыя асобы злоўжывалі даверам дыпламатаў і працэс выдачы італьянскіх віз скарыстоўвалі ва ўласных інтарэсах.

Пасольства Італіі ў Мінску. Фота: yandex.by

Паводле паведамлення, пасольству Італіі стала вядома, што некаторыя асобы, якія добра знаёмыя дыпламатам, займаюцца ашуканствам і цішком прадаюць запісы на атрыманне віз. Тое, што гэтым асобам раней давяралі, стварае найбольшую прыкрасць.

У сувязі з гэтым італьянскія дыпламаты папярэджваюць, што падобныя выпадкі становяцца вядомымі кампетэнтным органам Італіі, а продаж запісу на візы з’яўляецца злачынствам, якое цягне за сабой адпаведную адказнасць.

Атрыманне ж візы гарантуецца толькі пры адпаведнасці заяўніка візавым патрабаванням.

Каментары да артыкула