У будынку Крупскага цэнтра культуры быў пажар
Пра ўзгаранне ў будынку Крупскага раённага цэнтра культуры паведаміла 24 студзеня Міністэрства па надзвычайных сітуацыях.
Крупскі раённы цэнтр культуры. Фота: Яндэкс.Карты
Адзначаецца, што агонь ахапіў «перакрыцце на плошчы 5 квадратных метраў».
«Ратавальнікі сумесна з прадстаўнікамі аб’екта эвакуявалі 14 чалавек», — гаворыцца ў паведамленні ведамства.
Узгаранне «аператыўна ліквідавана», адзначылі ў МНС, пацярпелых няма. Прычына пажару высвятляецца.