У Мінску за ўдзел у пратэстах будуць судзіць цэлую сям'ю
3 лютага ў судзе Цэнтральнага раёна Мінска пачнецца судовы працэс у дачыненні да Мікалая, Алены і Мікіты Ляпешкаў.
Ім інкрымінаваны народны арт. 342 КК (актыўны ўдзел у дзеяннях, што груба парушаюць грамадскі парадак). Справу будзе разглядаць суддзя Таццяна Акавітая, піша «Вясна».
Ініцыятыва «Белпол» пацвердзіла праваабаронцам, што на лаве падсудных будзе цэлая сям'я: 47-гадовы бацька Мікалай, 46-гадовая маці Алена і іх 24-гадовы сын Мікіта.