На Віцебшчыне за хабар судзяць «Жанчыну года»
Таццяна Парфёненка была галоўным бухгалтарам ільнозавода, пра яе неаднаразова пісала раёнка.
Фота: Дубровенскі райвыканкам
У Дубровенскім раёне за хабар будуць судзіць Таццяну Парфёненка — галоўнага бухгалтара Дубровенскага льнозавода.
У 2023 годзе Парфёненка атрымала званне «Жанчына года Дубровеншчыны» ў намінацыі «Жанчына ў сістэме прамысловага комплексу і будаўніцтва», піша Orsha.eu.
Таццяна неаднаразова рабілася гераіняй артыкулаў у раённай газеце «Дняпроўская праўда», дзе расказвала пра поспехі прадпрыемства, у бухгалтэрыі якога адпрацавала амаль 18 гадоў. Праўда, з 2024 года імя бухгалтаркі ў раёне больш не фігуруе. Верагодна, на яе завялі крымінальную справу.
У верасні 2024 года Дубровенскім ільнозаводам зацікавіўся Следчы камітэт. Была заведзеная крымінальная справа ў сувязі з карупцыйнымі схемамі ў галіне будаўніцтва. У бухгалтэрыі прадпрыемства прайшлі ператрусы, падчас якіх былі канфіскаваныя фінансавыя дакументы.
Чытайце таксама:
Стала вядома, за што будуць судзіць першага намесніка начальніка Кіраўніцтва справамі Лукашэнкі
Генпракурор Швед анансаваў новыя гучныя крымінальныя справы па карупцыі