Ці можна пасля датэрміновага выхаду на працу вярнуцца ў дэкрэтны адпачынак?
Міністэрства працы і сацыяльнай абароны дало адказ на пытанне, якое хвалюе многіх мам з дзецьмі да трох гадоў: ці можна падчас адпачынку па доглядзе дзіцяці выйсці на працу, а затым, крыху папрацаваўшы, вярнуцца ў «дэкрэт».
Паводле тлумачэння прэс-службы міністэрства, у Беларусі любы чалавек, які знаходзіцца ў адпачынку па доглядзе дзіцяці да трох гадоў, можа выйсці з дэкрэтнага адпачынку і затым зноў яго аформіць пры неабходнасці.
Пры гэтым выплата дапамогі будзе захаваная ў памеры 50%, калі чалавек выйдзе на працу на поўную стаўку. А на 100% дапамога захаваецца, калі працаваць не больш чым на 0,5 стаўкі.
Пры паўторным афармленні адпачынку выплата дапамогі працягнецца ў поўным памеры.
Чытайце таксама:
Змяніліся правілы выплат на дзяцей
«Ну і куды мне, прыбіральшчыцай?» Маладая маці не можа знайсці працу пасля трэцяга дэкрэту
Недахоп работнікаў у Беларусі выклікаў нечаканы пабочны эфект
Самая маладая шматдзетная маці Беларусі распавяла, ці плануе нараджаць яшчэ