СБУ выкрыла ў сваіх шэрагах расійскага агента — кіраўніка штаба Антытэрарыстычнага цэнтра
Як паведамляе СБУ, на ФСБ працаваў кіраўнік штаба Антытэрарыстычнага цэнтра Службы бяспекі Украіны. Украінскія спецслужбы задакументавалі 14 эпізодаў супрацьпраўнай дзейнасці агента.
Кіраўнік СБУ Васіль Малюк (справа) і затрыманы кіраўнік штаба Антытэрарыстычнага цэнтра Службы бяспекі Украіны
Кіраўнік СБУ Васіль Малюк паведаміў, што ён асабіста ўваходзіў у аператыўна-следчую групу, якая займалася распрацоўкай здрадніка і ўзначальваў аперацыю па яго затрыманні. Аб усіх этапах спецаперацыі ён дакладваў прэзідэнту Украіны Уладзіміру Зяленскаму.
Малюк паведаміў, што СБУ задакументавала 14 эпізодаў супрацьпраўнай дзейнасці агента: украінскія спецслужбы праніклі ў яго тэлефоны і камп’ютары.
СБУ сцвярджае, што праз агента яны перадалі расіянам дэзынфармацыю. Дэталі спецаперацыі абяцаюць паведаміць пазней.