У мінскім двары мясцовыя жыхары браніравалі месцы на паркоўцы вёдрамі і цэглай
ДАІ гэта не спадабалася.
Фота: сацсеткі
Жыхары мінскага двара на Лынькова, 9 браніравалі месцы на паркоўцы з дапамогай цэглы і вёдраў. Пасля таго, як у інтэрнэце з'явілася відэа, на сітуацыю адрэагавала Дзяржаўтаінспекцыя.
ДАІ паведаміла, што кантралюе сітуацыю ў двары, каб прадухіліць правапарушэнні і прыцягнуць вінаватых да адказнасці. За загрувашчванне аўтамабільных дарог пагражаюць адміністрацыйнай адказнасцю ў выглядзе штрафу ў памеры ад 2 да 5 базавых велічынь (ад 84 да 210 рублёў).
Цяпер вёдры і цэгла прыбраныя з паркоўкі камунальнікамі.