У Гродне 10-гадовая дзяўчынка зламала нагу, катаючыся на цюбінгу
Увечары 16 лютага 10-гадовая дзяўчынка разам з мамай адправіліся катацца на цюбінгах на спецыяльна абсталяваную трасу, паведамляе СК.
Пры спуску з гары ў цюбінг школьніцы ўрэзаліся два іншыя цюбінгі. У выніку сутыкненняў дзяўчынка атрымала множныя пераломы нагі.
Ёй аказана неабходная медыцынская дапамога, жыццю і здароўю дзіцяці нічога не пагражае.