У цэнтры Батумі ў ДТЗ загінула 25-гадовая беларуска
У ноч на 16 лютага ў цэнтры грузінскага Батумі ў ДТЗ загінула 25-гадовая грамадзянка Беларусі, а яе хлопец атрымаў цяжкія траўмы ў ДТЗ, паведамляе «Позірк».
Скрыншот з відэа
Як паведаміў «Позірку» беларускі праваабаронца Раман Кісляк, які жыве ў Грузіі, пара праводзіла сястру дзяўчыны, якая ляцела ў Мінск. На зваротным шляху ў таксі, на якім яны ехалі, паводле папярэдняй інфармацыі, урэзаўся іншы аўтамабіль.
Пасажыраў выкінула з машыны. Дзяўчына памерла, а ў хлопца пераломы. Ён у цяжкім стане, але выйшаў з комы.
Фота загінулай: t.me/batumchik
Першапачаткова паліцыя заявіла сябрам пары, якія пачалі іх шукаць, не застаўшы дома, дзе засталіся ўключаныя кампутары, што пацярпелыя — мясцовыя жыхары. Аднак пасля яны былі ідэнтыфікаваныя як беларусы.
Фота пацярпелага: t.me/batumchik
18 лютага сябры загінулай паедуць у морг на апазнанне. Пра гібель дзяўчыны паведамілі яе сястры, якая даведалася пра гэта ўжо ў Мінску.
Кіроўца таксі цяпер таксама ў бальніцы, а кіроўца другога аўтамабіля арыштаваны.
Чытайце таксама:
У Грузіі за паўтара года сем грамадзян Беларусі скончылі жыццё самагубствам
Чатырох замежнікаў забілі ў Батумі, у забойстве падазраюцца таксама замежнікі
Праз тры гады змагання за свае правы першай сям’і беларусаў у Грузіі канчаткова адмовілі ў прытулку