Яшчэ адно дзіця атрымала траўмы ў Гродне, катаючыся на цюбінгу
Увечары 16 лютага 11-гадовы хлопчык разам з бацькам і братамі катаўся на цюбінгах з горкі, якая не была прызначаная для гэтых мэтаў.
Скрыншот відэа СК
Падчас спуску ў цюбінг хлопчыка ўрэзаўся іншы цюбінг. Не надаўшы гэтаму значэння, хлопчык працягнуў катацца, піша СК.
Раніцай наступнага дня школьнік пажаліўся бацькам на галаўны боль.
Медыкі дыягнаставалі закрытую чэрапна-мазгавую траўму, удар мозгу, пералом цемянной косткі.
Зараз дзіця знаходзіцца пад назіраннем спэцыялістаў, яго жыццю нічога не пагражае.
Нагадаем, што ў нядзелю ў Гродне 10-гадовая школьніца, катаючыся на цюбінгу, зламала нагу. У яе цюбінг таксама ўрэзаўся іншы цюбінг.