Два чалавекі загінулі на пажары ў Слуцкім раёне
Агулам па краіне ў агні за суткі загінулі восем чалавек, перадае МНС.
Фота: slutskgorodby / Telegram
Сёння ноччу ратавальнікам паступіла паведамленне аб загаранні жылога дома ў вёсцы Селішча Слуцкага раёна. Гаспадар дома — пенсіянер, 1961 года нараджэння, пражываў у доме з пасынкам, 1983 года нараджэння.
Мужчыны былі знойдзеныя ратавальнікамі ўжо мёртвымі — адзін быў на падлозе каля ложка, другі ляжаў у іншым пакоі на канапе.
Прычына пажару пакуль невядомая.
Агулам па краіне на пажарах за суткі загінулі восем чалавек, перадае МНС.