Пад Лунінцам вайскоўцы ў процівагазах праводзяць дэзынфекцыю і дэактывацыю
Гэта праверка баявой гатоўнасці вайскоўцаў 56-га зенітнага ракетнага палка, які дыслакуецца ў Лунінецкім раёне.
Ракетчыкі праводзяць палявыя зборы ў межах праверкі Узброеных сіл РБ, піша «Медыя-Палессе».
У мінулым месяцы адпрацоўваліся дзеянні дыверсійна-разведвальнай групы пры пераходзе замініраванага ўчастка мясцовасці, усталяванні супрацьтанкавых мін.
На гэты раз вайскоўцы паведамілі, што падчас палявога выхаду прайшлі практычныя заняткі па парадку і паслядоўнасці дзеянняў па пераадоленні заражанага ўчастка мясцовасці, дэзынфекцыі асабовага складу і дэактывацыі тэхнікі.