Аляксей Протас прызнаны першай зоркай матча «Вашынгтона»
У матчы рэгулярнага чэмпіянату Нацыянальнай хакейнай лігі «Вашынгтон Кэпіталз» на сваім лёдзе перамог «Дэтройт Рэд Уінгз» з лікам 5:2.
Аляксей Протас. Фота: Х.com/Capitals
Беларускі форвард Аляксей Протас стаў галоўным героем сустрэчы: ён закінуў дзве шайбы і аддаў адзін галявы пас, атрымаўшы званне першай зоркі матча.
Протас гуляў на левым флангу першага звяна разам з Дыланам Строўмам і Аляксандрам Авечкіным.
У гэтым сезоне ў Аляксея ўжо 25 закінутых шайбаў і 29 галявых перадачаў. Гэта яго найлепшы сезон у НХЛ, а «Вашынгтон» ідзе на першым месцы ва Усходняй канферэнцыі.