Мужчына наступіў на шыферны ліст і праваліўся ў калодзеж у лесе
Здарэнне адбылося вечарам у нядзелю каля вёскі Хадзюкі Лідскага раёна, паведамляе МНС.
58-гадовы мясцовы жыхар, гуляючы па лесе, наступіў на шыферны ліст, які быў прысыпаны лісцемі праваліўся ў шасціметровы калодзеж.
Мужчыну знайшлі супрацоўнікі вышуковай міліцыі і паведамілі пра гэта МНС.
Ратавальнікі пры дапамозе лесвіцы-штурмоўкі дапамаглі вяскоўцу выбрацца. Медыцынская дапамога яму не спатрэбілася.