Украіна абвінаваціла Signal у садзейнічанні Расіі
Мэсанджар, вядомы сваёй добрай сістэмай прыватнасці, больш не перадае Украіне звесткі аб расійскіх кібератаках, піша The Record.
Дадатак для абмену зашыфраванымі паведамленнямі Signal перастаў адказваць на запыты ўкраінскага боку аб расійскіх кіберпагрозах, заявіў украінскі чыноўнік, папярэдзіўшы, што гэта змяненне дапамагае выведцы Масквы.
Са слоў Сяргея Дземедзюка, намесніка сакратара Рады нацыянальнай бяспекі і абароны Украіны, Signal застаецца мэсанджарам, якім найбольш часта карыстаюцца для расійскіх шпіёнскіх аперацый, накіраваных супраць украінскіх вайскоўцаў і ўрадавых чыноўнікаў.
«Сваёй бяздзейнасцю Signal дапамагае расіянам збіраць інфармацыю, нацэльвацца на нашых салдатаў і кампраметаваць урадавых чыноўнікаў», — заявіў Дзямедзюк на Кіеўскім міжнародным форуме кіберустойлівасці.
Амерыканская некамерцыйная платформа Signal, вядомая сваёй прыхільнасцю да прыватнасці, публічна не пракаментавала заявы Дземедзюка і не адказала на запыт журналістаў аб каментарыях.
На думку Дземедзюка, змяненне палітыкі Signal можа быць звязана з палітычнай нестабільнасцю ў ЗША. Ён дадаў, што абмен звесткамі можа аднавіцца ў бліжэйшы час.
Украінскія і заходнія даследчыкі раней папярэджвалі аб нападах, якія праводзяцца звязанымі з Расіяй суб'ектамі, якія прадстаўляюць пагрозу, з дапамогай Signal.