У Асіповічах пенсіянерка абліла мужа за п'янства кіпнем
У Асіповіцкім раёне завялі крымінальную справу пасля бытавога канфлікту паміж мужам і жонкай, якія пражылі ў шлюбе больш за 47 гадоў.
Скрыншот з відэа
Як паведамілі ў Следчым камітэце, інцыдэнт адбыўся ўвечары 8 лютага, калі 67-гадовая жанчына падчас сваркі абліла свайго 73-гадовага мужа кіпнем.
Канфлікт разгарэўся, калі мужчына вярнуўся дадому з лецішча п'яным. У ходзе сваркі жонка выплюхнула на яго змесціва рондаля з кіпнем. Пацярпелы самастойна выклікаў хуткую дапамогу і быў шпіталізаваны з апёкамі рознай ступені цяжкасці.
Дзеянні жанчыны кваліфікаваныя па ч. 2 арт. 147 КК Рэспублікі Беларусь (наўмыснае прычыненне цяжкага цялеснага пашкоджання састарэлай асобе).
Санкцыя артыкула прадугледжвае пакаранне аж да пазбаўлення волі на тэрмін да 8 гадоў.