Пуцін пра ўдары па Крывым Рогу з Сумамі і 56 загінулых: Так, мірныя аб‘екты. Але цэль вайсковая

Уладзімір Пуцін упершыню публічна прызнаў нанясенне расійскай арміяй у Вербную нядзелю ракетнага ўдару па ўкраінскім горадзе Сумы, заявіўшы, што мэтай атакі была «адплата» за дзеянні ўкраінскіх сіл у памежных рэгіёнах.

Пахаванне загінулай падчас удару па Сумах сям'і Мартыненкаў: бацькі, маці і 11-гадовага сына. Фота: AP Photo/Evgeniy Maloletka

«Што тычыцца прапановы не біць па аб'ектах цывільнай інфраструктуры — з гэтым трэба разабрацца. Напрыклад, усім добра вядомы ўдар нашых УС РФ па кангрэс-цэнтры Сумскага ўніверсітэта. Мірны гэта аб'ект ці не? Мірны. Але там праходзіла ўзнагароджанне тых, хто здзейсніў злачынствы ў Курскай вобласці. І падраздзяленні УСУ, і нацыяналістаў. Тыя людзі, якіх мы лічым злачынцамі, якія павінны былі атрымаць заслужаную адплату за зробленае ў памежнай вобласці, у тым ліку Курскай. Яны атрымалі адплату. Гэта было зроблена, каб пакараць іх», — сказаў Пуцін, адказваючы на зададзенае яму пытанне.

Ракетны ўдар па Сумах быў нанесены 13 красавіка. Паводле апошніх звестак, у выніку яго загінулі 35 чалавек, больш за 100 атрымалі раненні.

Пуцін таксама пракаментаваў і атаку на Крывы Рог 4 красавіка, у выніку якой, паводле інфармацыі ўкраінскіх уладаў, загінуў 21 чалавек:

«Або праводзяць якія-небудзь зборышчы ў рэстаране тыя людзі, якія заслугоўваюць самага сур'ёзнага пакарання за злачынствы. Такое таксама было. У рэстаране праводзяць сходкі, сходы, нарады, нешта адзначаюць там, гарэлку п'юць і гэтак далей. Ну, вось туды таксама быў нанесены ўдар. Гэта цывільныя аб'екты? Цывільныя. Але цэль якая? Вайсковая».

Каментары да артыкула