У Еўропе і ва Украіне баяцца, што Трамп на гэтым тыдні выйдзе з перамоў па вайне — FT
Еўрапейскія і ўкраінскія чыноўнікі асцерагаюцца, што прэзідэнт ЗША Дональд Трамп цяпер знаходзіцца на мяжы адмовы ад удзелу ў мірных перамовах Кіева і Масквы, піша Financial Times са спасылкай на крыніцы.
Фота: Antoine Gyori — Corbis / Corbis via Getty Images
Афіцыйныя асобы ў Еўропе і ва Украіне лічаць, што Трамп гатовы скарыстацца любым, нават часовым прарывам у перамовах, каб адзначыць свае першыя 100 дзён на пасадзе. Гэта будзе «падставай», каб ужо на гэтым тыдні заявіць, што яго праца выкананая.
Паводле аднаго з суразмоўцаў FT, Трамп «стварыў сітуацыю, з якой сам знойдзе падставу выйсці і перадаць Украіне і нам [Еўропе] рашэнне гэтай праблемы».
Крыніцы газеты таксама адзначаюць, што нежаданне Уладзіміра Пуціна пагадзіцца на ключавыя патрабаванні ЗША і Украіны — такія як захаванне ўкраінскіх узброеных сіл пасля вайны — а таксама агульная складанасць канфлікту прымусілі Трампа перагледзець сваю прыхільнасць да мірнага пагаднення.
Чытайце таксама:
Макрон: Захад у найбліжэйшыя 8-10 дзён узмоцніць ціск на Расію
У Вашынгтоне і Кіеве раскрытыкавалі прапанаванае Пуціным трохдзённае перамір'е
Трамп сказаў, што Зяленскі можа адмовіцца ад Крыма
Трамп зноў заклікае Пуціна «спыніць стральбу» і заключыць «здзелку»