Колькасць аўтобусаў на польскай мяжы значна зменшылася, але чарга застаецца
Па стане на 06:00 раніцы серады на пераходзе «Брэст» стаяць 1325 легкавых аўтамабіляў і 23 аўтобусы, паведамляе Памежны камітэт.
Учора ў гэты час было 95 аўтобусаў і 1550 легкавых аўто.
Мінсктранс учора паведамляў, што арганізуе для пасажыраў бясплатную перасадку на мяжы ў аўтобусы.
Таксама Мінсктранс паведамляе, што ў сувязі з працяглым праходжаннем дзяржаўных межаў адпраўленне аўтобуса Варшава — Мінск (АН8303-7) з Варшавы адбудзецца а 7-й па варшаўскім часе.
У першую чаргу пасадку будуць ажыццяўляць пасажыры з квіткамі на 23:00 29 красавіка, далей — пасажыры з квіткамі на 7:00 сённяшняга дня.
На літоўскай і латвійскай межах чэргаў няма.
Чытайце таксама:
90 гадзін у чарзе. Калапс на мяжы з Польшчай працягваецца
Пасажыры, што едуць аўтобусамі з Варшавы, могуць спазняцца на 12 гадзін
З-за чэргаў на мяжы з Польшчай «Мінсктранс» арганізуе бясплатную перасадку пасажыраў