Цягнік Мінск — Гомель сутыкнуўся з лесавозам
На перагоне Цялуша — Чырвоны Бераг (участак Асіповічы — Жлобін) адбылося сутыкненне цягніка міжрэгіянальных ліній бізнэс-класа №752 Мінск — Гомель з грузавым аўтамабілем-лесавозам, паведаміла прэс-служба Беларускай чыгункі.
Фота: БЧ
Паводле папярэдняй інфармацыі, кіроўца лесавоза выехаў на чыгуначны пераезд на забараняльны сігнал святлафора, у выніку чаго адбылося сутыкненне з цягніком, які рухаўся.
У момант аварыі ў цягніку знаходзілася 240 пасажыраў. На шчасце, ніхто з іх не пацярпеў. У выніку інцыдэнту пашкоджаныя кабіна цягніка, два вагоны і кантактная сетка.
Рух цягнікоў на гэтым участку часова прыпынены. Беларуская чыгунка аператыўна працуе над ліквідацыяй наступстваў аварыі. Для дастаўкі пасажыраў да месцаў прызначэння будзе арганізаваны дадатковы цягнік.
Чытайце таксама:
МАЗ з маніпулятарам абарваў кантактную сетку на чыгунцы на Барысаў