23-гадовая дзяўчына загінула ў ДТЗ пад Вілейкай, яе сястра і сябра — у бальніцы
Дарожная трагедыя адбылася 29 красавіка каля 17:10 на трэцім кіламетры аўтадарогі мясцовага значэння «Крывое Сяло — Варонічы — Любошы», за 12 кіламетраў ад Вілейкі.
23-гадовая мясцовая жыхарка ехала за рулём аўтамабіля «Фальксваген Гольф» з боку аўтатрасы Р29 «Ушачы — Вілейка» ў напрамку аграгарадка Крывое Сяло, піша Kraj.by.
Папярэдне ўстаноўлена, што дзяўчына не справілася з кіраваннем — яе машына з’ехала ў левы па ходу руху кювет і ўрэзалася ў дрэва.
Дзяўчына-кіроўца ад атрыманых цялесных пашкоджанняў памерла на месцы здарэння.
16-гадовая сястра і 19-гадовы сябар сястры атрымалі траўмы і былі шпіталізаваныя.