Трамп афіцыйна абвясціў 8 мая Днём перамогі ў Другой сусветнай вайне
Прэзідэнт ЗША Дональд Трамп аддаў распараджэнне абвясціць 8 мая Днём Перамогі ў Другой сусветнай вайне, гаворыцца ў пракламацыі, апублікаванай на сайце Белага дома.
Дональд Трамп. Фота: Anna Moneymaker/Getty Images
«Без ахвяр амерыканскіх салдат гэтая вайна не была б выйграная, і наш свет сёння выглядаў бы зусім інакш», — гаворыцца ў пракламацыі Трампа.
Пры гэтым ён адзначыў, што ЗША «шануюць памяць кожнага, хто прынёс сябе ў ахвяру дзеля сваёй краіны, свабоды і выжывання заходняй цывілізацыі».
Трамп нагадаў, што пасля нападу японцаў на Пёрл-Харбар 7 снежня 1941 года ЗША «ўступілі ў вайну, стаўшы часткай барацьбы паміж Дабром і злом». У выніку амаль чатырох гадоў суровых баёў больш за 250 тысяч амерыканцаў загінулі.
Найбольш дзіўнае ў гэтым рашэнні Трампа тое, што ён абвясціў 8 мая Днём перамогі менавіта ў Другой сусветнай вайне, між тым як заўсёды лічыцца, што гэтая вайна канчаткова скончылася толькі пасля капітуляцыі Японіі 2 верасня 1945 года, а 8 мая 1945-га завяршыўся толькі яе надзвычай важны этап.
Чытайце таксама:
Пазняк: Трамп ліквідаваў усю гэтую шпану, якая гаворыць пра 160 палоў
Спецпрадстаўнік Трампа Келаг назваў Пуціна галоўнай перашкодай на шляху да спынення агню ва Украіне