Затрымалі брата Ігара Лосіка
Затрымалі Мікіту Лосіка, паведамляе фонд «Краіна для жыцця».
Мікіта Лосік. Фота: Укантакце
Нібыта гэта здарылася яшчэ ў сярэдзіне красавіка, і цяпер ён зняволены.
Крыніцы «Нашай Нівы» пацвярджаюць затрыманне хлопца. Апошні раз ён быў анлайн 11 красавіка.
Хлопец жыў у Оршы.
Паводле інфармацыі Радыё Свабода, Мікіту Лосіка вінавацяць у «садзейнічанні экстрэмісцкай дзейнасьці» за нібыта перасылку некалькіх фота перасоўвання вайсковай тэхнікі ў 2022 годзе тэлеграм-каналу «Беларускі гаюн». Супраць яго завялі крымінальную справу. Мікіту Лосіка ўтрымліваюць у Віцебскім СІЗА.
Мікіта Лосік. Фота: Укантакце
Ігар Лосік — беларускі журналіст і блогер, палітзняволены. Яго затрымалі яшчэ да выбараў у 2020 годзе і асудзілі на 15 гадоў.