Уначы на поўначы Беларусі было цяплей, чым на поўдні
Анамаліі беларускага мая.
Pogoda.by
У Полацку ноччу было +4,1°С, у Верхнядзвінску — +3,8°С, Лепелі — +3,7°С, у Езярышчы, Віцебску і Шаркаўшчыне — +3,4°С.
Найхаладней гэтай ноччу было на Палессі. На метэастанцыі «Палеская» — мінус 3,5°С, у Ганцавічах — -2,8°С, але амаль побач у Салігорску — +3,3°С.
У Мінску было +2,0°С.
Сёння па краіне чакаецца воблачна з праясненнямі. На большай частцы тэрыторыі пройдуць кароткачасовыя ападкі, у асноўным дождж. Месцамі магчымы навальніцы. Максімальная тэмпература паветра складзе +11..+17°С.
У Мінску месцамі па горадзе невялікі кароткачасовы дождж, днём +13..+15°С, увечары +10..+13°С.