Ілан Маск апублікаваў відэа з робатам-гуманоідам, які весела танчыць
На прэзентацыі чатыры гады таму падобны танец выконваў акцёр.
Скрыншот відэа з акаўнта Ілана Маска ў Х.com
Ілан Маск апублікаваў у сацсетцы Х (былы твітар) відэа з робатам-гуманоідам, які весела танчыць.
Мацаванні зверху прызначаныя на выпадак падзення, а не для падтрымання ўстойлівасці робата, сцвярджае ён.
У 2021 годзе Маск анансаваў стварэнне чалавекападобнага робата, здольнага выконваць за людзей руцінную працу. На той момант падчас прэзентацыі падобны танец выконваў акцёр. У кастрычніку Маск паказаў відэа, на якім робат раздае напоі і частуе ежай.
Маск абяцаў, што робат будзе «зычлівым». Яго праектуюць такім чынам, каб чалавек змог уцячы ад яго або справіцца з ім.