У Бабруйску дзеці ледзь не трапілі пад аўто на пераходзе ВІДЭА
На адным з пешаходных пераходаў Бабруйска няўважлівая кіроўца не прапусціла дзяцей, паведамляе Mogilev.online. На шчасце, абышлося без людскіх ахвяр.
Скрыншот з відэа
На відэа з рэгістратара суседняй машыны можна назіраць, як адзін за адным па вуліцы Арджанікідзэ рухаюцца легкавы аўтамабіль і мікрааўтобус.
Кіроўца апошняга ўбачыў на нерэгуляваным пешаходным пераходзе дзяцей і спыніўся ў першай паласе. Легкавік жа працягнуў рух. Ён, злёгку прыціснуўшы газ, абагнаў мікрааўтобус па другой паласе.
На шчасце, дзеці ішлі павольна, таму цудам удалося пазбегнуць ахвяр.
Высветлілася, што за рулём аўтамабіля Ford была 41-гадовая жыхарка Бабруйска. Дзяцей яна не прапусціла па няўважлівасці.
За гэта на жанчыну склалі пратакол за стварэнне аварыйнага становішча. Яе пазбавілі правоў на паўтара года. Да таго ж бабруйчанцы давядзецца заплаціць 10 базавых адзінак штрафу, ці 420 рублёў.