Цела замежніка ў спальніку знайшлі каля латвійскай мяжы ў Верхнядзвінскім раёне
13 мая беларускія памежнікі выявілі труп мігранта ў Верхнядзвінскім раёне. Цела знаходзілася ў спальным мяшку недалёка ад латвійскай мяжы.
Пры замежніку была копія дакумента на імя грамадзяніна Афганістана, паведамляе Памежны камітэт.
«У ходзе агляду ўстаноўлена, што на целе мужчыны маюцца цялесныя пашкоджанні: садзіны, драпіны і сінякі, у тым ліку на твары. Згодна з дакументамі, якія былі выяўлены, загінулы, мяркуючы па ўсім, з’яўляецца грамадзянінам Афганістана», — паведамляе Следчы камітэт.
Назначана судова-медыцынская экспертыза.