Сейм Літвы робіць больш строгай адказнасць за парушэнне міжнародных санкцый
Сейм Літвы пашырыў крымінальную і адміністрацыйную адказнасць за любыя парушэнні або абыход міжнародных санкцый. 15 мая парламент 87 галасамі ўхваліў папраўкі да закона аб міжнародных санкцыях, згодна з якімі супрацьпраўнымі паводзінамі будзе прызнавацца і парушэнне, здзейсненае па неасцярожнасці.
Фота ілюстрацыйнае
Папраўкі таксама ўдакладняюць, якія дзеянні недапушчальныя ў выпадку замарожвання эканамічных рэсурсаў, і тлумачаць паняцце «замарожванне сродкаў».
Парушэннем міжнародных санкцый будуць лічыцца незаконныя паводзіны, якія парушаюць дзейныя ў Літве міжнародныя санкцыі. Да такіх парушэнняў адносяцца, напрыклад, наданне доступу да сродкаў або эканамічных рэсурсаў асобам, якія знаходзяцца пад санкцыямі, незамарожаная маёмасць, аказанне паслуг і іншае.
За распараджэнне абмежаванымі актывамі і аказанне забароненых паслуг будзе пагражаць да пяці гадоў пазбаўлення волі.
Акрамя таго, уносяцца палажэнні аб спецыяльнай абароне для інфарматараў, якія паведамляюць пра парушэнні міжнародных санкцый.
Чытайце таксама:
У Літве юрыдычна ацэняць выказванні Эдуардаса Вайткуса ў Мінску
Літоўскі прарасійскі палітык наведаў Мінск і заявіў, што ў Літве «няма легітымнага прэзідэнта»
Літоўская кампанія SBA цалкам пакінула Беларусь. Гэта было няпроста