Аднаго з распрацоўшчыкаў расійскага «Іскандэра» ў Дзень Перамогі да смерці збіў сусед
Сусед скінуў яго з лесвіцы за тое, што той памачыўся ў пад'ездзе.
ВЧК-ОГПУ стала вядома аб забойстве аднаго з канструктараў-распрацоўшчыкаў ракетнага комплексу «Іскандэр» Уладзіміра Недашывіна. Загінуў ён не ў выніку спланаванага злачынства, а падчас бытавога канфлікту.
Па даных суразмоўцы, адзін з стваральнікаў «Іскандэра» (працаваў у КБ машынабудавання, мае шэраг патэнтаў) 74-гадовы Уладзімір Недашывін пасля выхаду на пенсію аказаўся нікому не патрэбны. Пажылы мужчына шмат піў, але не дэбашырыў.
У Дзень Перамогі яго знайшлі жывым у пад'ездзе дома на 2-м Юбілейным праездзе ў Каломне і выклікалі хуткую. Медыкі шпіталізавалі вынаходніка ў бальніцу, дзе ён праз некалькі дзён памёр.
З часам было ўстаноўлена, што прычынай смерці сталі цялесныя пашкоджанні, якія нанёс Уладзіміру Недашывіну сусед — 32-гадовы сантэхнік Анатоль Калабайцаў (на фота). Апошні растлумачыў, што штурхануў Уладзіміра з лесвічных сходаў з-за таго, што пажылы чалавек памачыўся ў пад'ездзе на першым паверсе.