Улады патлумачылі, чаму ў Мінску не ўключаюць ацяпленне ў кватэрах
Старшыня Мінскага гарадскога савета дэпутатаў Арцём Цуран заявіў, што ў сталіцы занадта цёпла для ўключэння ацяплення.
Фота: Мінск-навіны
Па словах Цурана, якія прыводзіць «Мінск-Навіны», сярэднесутачная тэмпература паветра ў Мінску не адпавядае нарматывам, неабходным для ўключэння ацяплення ў жылых дамах.
Ацяпленне ў кватэры ўключаюць, калі сярэднесутачная тэмпература на працягу некалькіх дзён запар не перавышае +8 градусаў.
Акрамя таго, Цуран адзначыў, што ў перыяд цёплага надвор'я камунальныя службы ўжо пачалі планавыя прафілактычныя работы па падрыхтоўцы да наступнага ацяпляльнага сезона. Гэты працэс немагчыма адмяніць ці спыніць.
У Мінску з-за халоднага надвор'я ўжо перанеслі тэрміны планаванага адключэння гарачай вады. Планаванае адключэнне гарачай вады ў Мінску было запланавана на 14 мая.