19-гадовы масквіч на BMW ліхачыў у дажджлівым Мінску і ўляцеў у слуп ВІДЭА
Дарожна-транспартнае здарэнне адбылося 17 мая каля 16:00 на праспекце Дзяржынскага ў Мінску.
Скрыншот з відэа
19-гадовы кіроўца аўтамабіля BMW з нумарамі Маскоўскай вобласці ехаў надта хутка, асабліва як на дажджлівыя ўмовы, і гэта яму выйшла бокам. У выніку ён не справіўся з кіраваннем, выехаў за межы праезнай часткі і ўрэзаўся ў асвятляльную мачту.
У выніку здарэння ніхто не пацярпеў, але машына атрымала механічныя пашкоджанні.