Улады Іспаніі патрабуюць ад Airbnb выдаліць больш за 60 тысяч аб'яў аб арэндзе жылля
Улады Іспаніі звярнуліся да адміністрацыі сэрвісу Airbnb з патрабаваннем выдаліць аб'явы аб здачы амаль 66 тысяч адзінак жылля па ўсёй краіне — пакояў, кватэр і дамоў — на падставе таго, што ўмовы пражывання там не адпавядаюць правілам размяшчэння турыстаў, піша Бі-бі-сі.
Фота: Clara Margais/dpa Photo by Clara Margais/picture alliance via Getty Images
Так урад Іспаніі адрэагаваў на апошнюю хвалю дэманстрацый супраць засілля турыстаў, якая зноў пракацілася па краіне перад летнім сезонам адпачынкаў. Маршы пратэсту, якія прайшлі ў мінулыя выхадныя на Канарскіх астравах, сабралі тысячы ўдзельнікаў.
Пабла Бустындуй, які каардынуе ў іспанскім урадзе пытанні сацыяльнай палітыкі і правоў спажыўцоў, заявіў, што пералічаныя ў запыце жылыя памяшканні здаюцца «ў парушэнне розных нормаў, якія датычацца жылля для турыстаў».
Незадоўга да гэтага рашэнне па аналагічнай справе прыняў суд у Мадрыдзе, які ўжо абавязаў Airbnb для пачатку неадкладна выдаліць з сваёй базы даступнага для аранды жылля 5800 аб'ектаў, пералічаных у пададзеным Міністэрствам сацыяльнай абароны спісе. Вынесенае рашэнне сам міністр назваў «вядомаю перамогай усіх, хто змагаецца за абарону свайго права на жыллё». Цяпер у ведамстве чакаюць аналагічных рашэнняў па астатніх 60 тысячах аб'ектаў, здачу якіх турыстам там на той ці іншай падставе лічаць незаконнай.
Як тлумачаць у міністэрстве, у складзены спіс патрапілі арандатары, якія або не ўказалі нумар сваёй ліцэнзіі (ці ўказалі памылкова), або не ўдакладнілі юрыдычны статус уладальніка, каб растлумачыць, здае ён жыллё на прафесійнай аснове ці як прыватная асоба.
Геаграфічна здаваная нерухомасць раскідана па розных іспанскіх рэгіёнах: Мадрыд, Андалусія, Каталонія, Валенсія, Краіна Баскаў і Балеарскія астравы.
Па словах міністра, «можна дасягнуць таго, каб ніякія эканамічныя інтарэсы не аказваліся важней [камфортных] умоў пражывання і каб ні адна кампанія не стаяла вышэй за закон — якая б вялікая ці магутная яна ні была».
У апошнія месяцы з-за імклівага росту кошту арэнды жылля, — асабліва ў буйных населеных пунктах — менавіта жыллёвае пытанне выйшла для многіх іспанцаў на першы план, стаўшы іх самай надзвычайнай праблемай. Статыстыка паказвае, што за апошняе дзесяцігоддзе сярэдні кошт арэнды жылля ў Іспаніі падвоіўся, у той час як даходы большасці насельніцтва краіны раслі зусім не так імкліва.
У спісе самых папулярных у турыстаў краін Іспанія займае другое месца пасля Францыі. У 2024 годзе краіна прыняла 94 млн турыстаў з-за мяжы, што на 13% больш, чым год таму.
Прэм'ер-міністр краіны, сацыяліст Педра Санчэс раней казаў, што «на Airbnb жылля колькі заўгодна — а людзям пры гэтым жыць няма дзе», і паабяцаў перашкодзіць «некантраляванаму пашырэнню» выкарыстання нерухомасці для рассялення турыстаў. У некаторых іспанскіх муніцыпалітэтах змагацца з Airbnb спрабавалі на мясцовым узроўні, рашэннямі гарадскіх саветаў.
Мэр Мадрыда, напрыклад, абяцаў да канца 2028 года прыбраць з рынку не менш за 10 тысяч кватэр, зараз здаюцца ў кароткатэрміновую арэнду турыстам з-за мяжы.
Некаторыя прытрымліваюцца іншага падыходу. За апошнія месяцы адміністрацыя Airbnb заключыла з рэгіянальнымі ўладамі Канарскіх астравоў, Ібіцы і Мурсіі пагадненні, якія абавязваюць уладальнікаў нерухомасці выконваць правілы і стандарты здачы жылля для турыстаў.
У адказ на пастанову суда і заяву міністра Пабла Бустындуя ў кампаніі заявілі, што ніякіх доказаў парушэння правілаў з боку гаспадароў жылля ўладамі прадстаўлена не было, і паабяцалі абскардзіць рашэнне.
Прэс-служба Airbnb спасылаецца на пастанову Вярхоўнага суда Іспаніі ад 2022 года, у якой прапісана, што адказнасць за размяшчэнне інфармацыі аб арэндзе ляжыць на гаспадары жылля, а не на кампаніі, якая з'яўляецца толькі «нейтральным пасрэднікам».
Што тычыцца праблемы з жыллём у Іспаніі, то ў кампаніі выказаліся асобна. «Першапрычына крызісу даступнага жылля ў Іспаніі — недахоп прапановы для задавальнення попыту, — заявіў прадстаўнік кампаніі