У Оршы ў доме, які вырашылі знесці, знайшлі труп мужчыны
У Оршы ў нежылым доме, які рыхтуецца да зносу, выявілі труп мужчыны. Высветліць яго асобу ўдалося праз дактыласкапію.
З-за моцных зменаў, адсутнасці дакументаў і асаблівых прыкмет адразу ўстанавіць асобу загінулага не ўдалося.
У рамках праверкі спецыялісты зрабілі здымкі захаваных участкаў скуры на пальцах рук. Па выніках праверкі асобу мужчыны ўдалося вызначыць — ім аказаўся пенсіянер, жыхар Оршы 1958 года нараджэння.
Прычына смерці пакуль невядома і будзе ўстаноўлена падчас судова-медыцынскай экспертызы.