«Вы п**ары, у нас пратэрміноўка». У Мінску бягучы радок на мясной краме ўзбунтаваўся ВІДЭА
У краме сцвярджаюць, што інфармацыйнае табло ўзламалі.
У чацвер увечары мінакі заўважылі, што бягучы радок на мясной краме, што знаходзіцца на вуліцы Матусевіча ў Мінску, працуе нейкім дзіўным чынам. Дакладней, ён паказвае дзіўны надпіс.
Інфармацыйнае табло круціла радок з такім зместам: «Вы п**ары, і ў нас пратэрміноўка».
Жанчына, якая праходзіла міма, зняла гэта ўсё на відэа і выклала ў тыктоку, відэа разляцелася. У адміністрацыі Фрунзенскага раёна патлумачылі, што бягучы радок узламалі, пішуць «Мінск-Навіны».
«Невядомыя ажыццявілі несанкцыянаванае падключэнне да трансляцыі рэкламнай інфармацыі праз інтэрнэт. Пасля выяўлення інцыдэнту трансляцыю адключылі, праводзяцца тэхнічныя работы», — расказалі чыноўнікі.
Сілавікі праводзяць праверку.
Чытайце таксама:
У Баранавічах пенсіянер скраў сабаку каля крамы і падарыў яго сяброўцы
У Беларусі прадаюць амерыканскі мускул-кар, які літаральна ўрос у зямлю. Цана ўражвае