Turkish Airlines адмяніла рэйсы ў Маскву на фоне атак украінскіх дронаў
Авіякампанія Turkish Airlines рашыла часова скасаваць рэйсы ў Маскву праз абмежаванні, якія ўводзілі ў аэрапортах цэнтральнай Расіі ў ноч на 26 мая праз атакі ўкраінскіх беспілотнікаў, паведаміла агенцтва «Масква», спасылаючыся на асацыяцыю тураператараў Расіі.
«Па тэхнічных прычынах у шэрагу выпадкаў Turkish Airlines паказвае на табло адмену рэйса замест статусу затрымкі. Як толькі з'яўляецца магчымасць вылецець, на табло мяняюцца час і нумар рэйса і ён выконваецца», — распавяла кіраўнік тураператара Pegas Touristik Ганна Падгорная.
З-за абмежаванняў у аэрапортах да 60% рэйсаў розных авіякампаній выконваюцца не па графіку або адменены.