На цэнтралізаваны экзамен не з'явіліся 146 чалавек
Міністэрства адукацыі расказала, як прайшоў першы цэнтралізаваны экзамен. Сёння выпускнікі здавалі прадмет па выбары.
Усяго на экзамен зарэгістравалі 56 932 чалавекі. Былі вызваленыя ад ЦЭ 478 навучэнцаў, у тым ліку 302, што навучаюцца дома, 176 — пераможцы трэцяга і заключнага этапаў рэспубліканскай алімпіяды.
У выніку экзамен здавалі 56 778 чалавек. Не з'явіліся 146 чалавек.
«Асноўныя прычыны няяўкі аналагічныя леташнім: хвароба, удзел у спартыўных спаборніцтвах», — паведамілі ў Міністэрстве.
Не дапушчаныя ў пункты ЦЭ тры чалавекі праз адсутнасць пашпарта. У 2024 годзе такіх было двое.