Настаўніца з Кобрына расчуліла тыкток відэа з лістамі ад бацькоў
Настаўніца біялогіі з Кобрына Вольга Чэрнік стала зоркай тыктоку дзякуючы свайму шчыраму і кранальнаму відэа. Напярэдадні экзаменаў яна вырашыла падтрымаць сваіх выпускнікоў незвычайным чынам — таемна папрасіла бацькоў 11 «А» класа напісаць дзецям цёплыя лісты з падтрымкай, піша BG.Media.
Калі вучні адкрылі канверты і пачалі чытаць лісты, клас напоўніўся эмоцыямі, слязьмі і поўнай цішынёй — чутны было толькі шоргат паперы і ціхія ўсхліпванні. Настаўніца зняла гэты момант на відэа і выклала ў тыктоку, дзе ролік імгненна стаў вірусным і набраў амаль 2 мільёны праглядаў.
Карыстальнікі тыктоку былі расчуленыя да слёз. У каментарыях людзі дзяліліся сваімі асабістымі гісторыямі, дзякавалі настаўніцы і прызнаваліся, што такія эмоцыі адчуваюць рэдка. Хтосьці пісаў, што марыў атрымаць падобны ліст у дзяцінстве, іншыя згадвалі пра страчаных бацькоў ці пра лісты, што захоўваюць дзесяцігоддзямі.
Многія адзначалі, што гэта цудоўная ініцыятыва, якая паказвае, як глыбока настаўнік можа разумець і любіць сваіх вучняў. А старонка Вольгі Чэрнік у тыктоку поўніцца душэўнымі відэа са школьнага жыцця, што сведчыць пра асаблівыя стасункі паміж ёй і класам.
Чытайце таксама:
Настаўніца з запраўкі ў Вілейцы расказала, чаму пайшла са школы
Хэдлайнерам апошняга званка ў Мінску стаў няўдалы ўдзельнік «Дома-2». Хто такі Алег Маямі?
У Мінадукацыі расказалі, як будуць арганізаваныя вучэбна-палявыя зборы для дзесяцікласнікаў